ਹੁਣ ਮੋਬਾਈਲ ਚਲੇਗਾ ਬਿਨਾ ਮੋਬਾਈਲ ਟਾਵਰ ਦੇ

ਮੋਬਾਈਲ ਫੋਨ ਦੀ ਦੁਨੀਆ ਹੁਣ ਪੂਰੀ ਤਰ੍ਹਾਂ ਬਦਲਣ ਵਾਲੀ ਹੈ। ਅਸਲ ‘ਚ ਅਮਰੀਕਾ ‘ਚ ਅੰਤਰਰਾਸ਼ਟਰੀ ਵਿਗਿਆਨੀਆਂ ਦੀ ਇਕ ਟੀਮ ਨੇ ਹੁਣ ਇਕ ਅਜਿਹੀ ਤਕਨੀਕ ਡੇਵਲਪ ਕਰ ਲਈ ਹੈ ਜਿਸ ਦੇ ਜ਼ਰੀਏ ਨੇੜੇ-ਤੇੜੇ ਮੋਬਾਈਲ ਟਾਵਰ ਨਾ ਹੋਣ ‘ਤੇ ਵੀ ਤੁਹਾਡਾ ਮੋਬਾਈਲ ਫੋਨ ਵਧੀਆ ਕੰਮ ਕਰੇਗਾ। ਇਸ ਟੀਮ ਦੇ ਹੈਡ ਡਾ. ਪਾਲ ਗਰਡਨਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਟੀਮ ਦੁਆਰਾ ਤਿਆਰ ਕੀਤੀ ਗਈ ਇਹ ਨਵੀਂ ਤਕਨੀਕ ਆਪਦਾਵਾਂ ਦੇ ਵੇਲੇ ਕਾਫੀ ਵਧੀਆ ਸਾਬਿਤ ਹੋ ਸਕਦੀ ਹੈ। ਕਿਉਂਕਿ ਬਾੜ ਅਤੇ ਭੂਕੰਪ ਵਰਗੀਆਂ ਆਪਦਾਵਾਂ ਦੇ ਚਲਦੇ ਆਮ ਕਰਕੇ ਮੋਬਾਈਲ ਟਾਵਰਾਂ ਨੂੰ ਨੁਕਾਸਾਨ ਪਹੁੰਚਦਾ ਹੈ ਅਤੇ ਇਸ ਨਾਲ ਮੋਬਾਈਲ ਸੇਵਾਵਾਂ ਵੀ ਪ੍ਰਭਾਵਿਤ ਹੁੰਦੀਆਂ ਹਨ। ਖਾਸ ਗਲ ਇਹ ਹੈ ਕਿ ਇਸ ਨਵੀਂ ਤਕਨੀਕ ਦੀ ਵਰਤੋਂ ਕਿਸੇ ਵੀ ਸਾਧਾਰਣ ਮੋਬਾਈਲ ਕੀਤੀ ਜਾ ਸਕਦੀ ਹੈ। ਜਿਹੜਾ ਵੀ ਮੋਬਾਈਲ ਹੈਂਡਸੈਟ ਇਸ ਤਕਨੀਕ ਨਾਲ ਲੈਸ ਹੋਣਗੇ, ਉਨ੍ਹਾਂ ‘ਚ ਆਪਸ ‘ਚ ਬਿਨਾਂ ਕਿਸੇ ਮੋਬਾਈਲ ਟਾਵਰ ਦੇ ਵੀ ਕਨੈਕਟੀਵਿਟੀ ਬਣੀ ਰਹੇਗੀ। ਡਾ. ਗਰਡਨਰ ਨੇ ਇਹ ਵੀ ਦੱਸਿਆ ਕਿ ਜੇਕਰ ਕੋਈ ਮੋਬਾਈਲ ਕੰਪਨੀ ਇਸ ਤਕਨੀਕ ਦੀ ਵਰਤੋਂ ਕਰਨਾ ਚਾਹੇ ਤਾਂ ਉਸ ਨੂੰ ਇਹ ਤਕਨੀਕ ਮੁਹਈਆ ਕਰਵਾਈ ਜਾਵੇ। ਉਨ੍ਹਾਂ ਨੂੰ ਉਮੀਦ ਹੈ ਕਿ ਮੋਬਾਈਲ ਕੰਪਨੀਆਂ ਖੁਦ ਇਸ ਤਕਨੀਕ ਨੂੰ ਹਾਸਿਲ ਕਰਨ ਦੇ ਲਈ ਉਨ੍ਹਾਂ ਨਾਲ ਸੰਪਰਕ ਕਰਨਗੀਆਂ।