ਹੁਣ ਮਰਦਾਂ ਲਈ ਗਰਭ ਰੋਕੂ ਟੀਕਾ

ਲੰਡਨ, 6 ਫਰਵਰੀ-ਪਰਿਵਾਰ ਨਿਯੋਜਨ ਦੀ ਜ਼ਿੰਮੇਵਾਰੀ ਸਹਿਣ ਵਾਲੀਆਂ ਔਰਤਾਂ ਨੂੰ ਇਸ ਖਬਰ ਤੋਂ ਕੁਝ ਰਾਹਤ ਮਿਲ ਸਕਦੀ ਹੈ, ਕਿਉਂਕਿ ਹੁਣ ਬਾਜ਼ਾਰ ਵਿਚ ਮਰਦਾਂ ਲਈ ਗਰਭ ਰੋਕੂ ਟੀਕਾ ਆ ਗਿਆ ਹੈ। ਇਡਨਬਰਗ ਯੂਨੀਵਰਸਿਟੀ ਵਿਚ ਵਿਗਿਆਨੀਆਂ  ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਇਸ ਤਰ੍ਹਾਂ ਦਾ ਗਰਭ ਰੋਕੂ ਟੀਕਾ ਗੈਰ-ਨਿਯੋਜਿਤ ਗਰਭਧਾਰਨ ਨੂੰ ਰੋਕਣ ਵਿਚ ਸਫਲ  ਸਿੱਧ ਹੋਇਆ ਹੈ। ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਗਰਭ ਰੋਕੂ ਟੀਕੇ ਨੂੰ ਲੈ ਕੇ ਦੁਨੀਆ ਭਰ ਵਿਚ 200 ਲੋਕਾਂ ‘ਤੇ ਤਜਰਬਾ ਕੀਤਾ। ਤਜਰਬੇ ਦੌਰਾਨ ਇਹ ਟੀਕਾ 2 ਖੁਰਾਕਾਂ ਵਿਚ ਲਗਾਇਆ ਗਿਆ। ਵਿਗਿਆਨੀਆਂ ਨੇ ਕਿਹਾ ਹੈ ਕਿ ਇਹ ਗਰਭ ਰੋਕੂ ਟੀਕਾ ਕੰਡੋਮ ਤੋਂ ਵੱਧ ਸੁਰੱਖਿਅਤ ਹੈ ਅਤੇ ਇਸ ਦੀ ਸਫਲਤਾ ਦਰ ਔਰਤਾਂ ਵਲੋਂ ਵਰਤੀਆਂ ਜਾਣ ਵਾਲੀਆਂ ਗਰਭ ਰੋਕੂ ਗੋਲੀਆਂ ਦੇ ਬਰਾਬਰ ਹੈ।