ਭਾਰਤ ‘ਚ ਵੀ ਆ ਗਈ ‘ਫਾਲੀਇੰਗ ਕਾਰ’

ਏਅਰੋ ਇੰਡੀਆ ਸ਼ੋਅ ‘ਚ ਆਧੁਨਿਕ ਜਹਾਜ਼ਾਂ ਦੇ ਦੌਰਾਨ ਮਾਰੂਤੀ-800 ਕਾਰ ਵੀ ਖੜੀ ਹੈ। ਪਰ ਇਹ ਕੋਈ ਆਮ ਕਾਰ ਨਹੀਂ ਹੈ। ਸੜਕ ‘ਤੇ ਚਲਣ ਤੋਂ ਇਲਾਵਾ ਇਹ ਉਡ ਵੀ ਸਕਦੀ ਹੈ। ਭਾਰਤ ਦੀ ਇਹ ‘ਫਲਾਇੰਗ ਕਾਰ’ ਅਮਰੀਕਾ ਦੁਆਰਾ ਬਣਾਏ ਗਏ ਟ੍ਰਾਂਜਿਸ਼ਨ ਰੋਡੇਬਲ ਏਅਰਕ੍ਰਾਫਟ ਦਾ ਜਵਾਬ ਹੋ ਸਕਦੀ ਹੈ। ਇਸ ਨੂੰ ਪਹਿਲੀ ਵਾਰ ਇਸ ਸ਼ੋਅ ‘ਚ ਪ੍ਰਦਰਸ਼ਨ ਲਈ ਰਖਿਆ ਗਿਆ ਹੈ। ਇਸ ਫਲਾਇੰਗ ਕਾਰ ਨੂੰ 62 ਸਾਲਾ ਇਕ ਵਿਸ਼ਵਨਾਥ ਨੇ ਬਣਾਇਆ ਹੈ। ਕੈਡੇਂਸ ਡਿਜ਼ਾਈਨ ਸਿਸਟਮ ਨਾਲ ਜੁੜੇ ਵਿਸ਼ਵਨਾਥ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇਸ ਨੂੰ ਵਿਕਸਿਤ ਕਰਨ ‘ਚ 15 ਸਾਲ ਲਗਾਏ ਹਨ। ਇਹ ਕਾਰ ਸਿੱਧਾ ਉੱਪਰ ਉਠ ਸਕਦੀ ਹੈ ਅਤੇ ਪੈਟਰੋਲ ਨਾਲ ਚਲਦੀ ਹੈ। ਵਿਸ਼ਵਨਾਥ ਨੂੰ ਉਮੀਦ ਹੈ ਕਿ ਉਹ ਲਗਭਗ 2 ਮਹੀਨੇ ਅੰਦਰ ਇਸ ‘ਚ ਪਹਿਲੀ ਉਡਾਨ ਭਰਨਗੇ।