Tujh Mein Rabb Dekhta Hai-Hazour Pitaji

ਥੱਪੜ ਮਾਰਨ ਨਾਲ ਨਿਕਲ ਜਾਂਦਾ ਹੈ ਵੱਡੇ ਤੋਂ ਵੱਡਾ ਗੁੱਸਾ

ਅਜੇ ਤਕ ਤੁਸੀਂ ਇਹੋ ਸੁਣਿਆ ਹੋਵੇਗਾ ਕਿ ਕਿਸੇ ਨੂੰ ਥੱਪੜ ਮਾਰਨ ਨਾਲ ਕੰਮ ਬਿਗੜ ਜਾਂਦਾ ਹੈ। ਪਰ ਅਜਿਹਾ ਨਹੀਂ ਹੈ। ਕਈ ਵਾਰ ਥੱਪੜ ਮਾਰਨਾ ਚੰਗਾ ਵੀ ਹੁੰਦਾ ਹੈ।ਮਨੋਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਜੇਕਰ ਤੁਹਾਨੂੰ ਕਿਸੇ ‘ਤੇ ਬਹੁਤ ਤੇਜ਼ ਗੁੱਸਾ ਆ ਰਿਹਾ ਹੈ। ਇੰਨਾ ਕਿ ਤੁਸੀਂ ਉਸਨੂੰ ਜਾਨ ਤੋਂ ਮਾਰਨ ਦੀ ਸੋਚ ਰਹੇ ਹੋ ਤਾਂ ਉਸਨੂੰ ਸਿਰਫ ਇਕ ਥੱਪੜ ਮਾਰ ਦਿਓ ਤੁਹਾਡਾ ਸਾਰਾ ਗੁੱਸਾ ਨਿਕਲ ਜਾਵੇਗਾ। ਪਰ ਹਾਂ ਇਸਨੂੰ ਆਪਣੇ ਬੌਸ ‘ਤੇ ਨਾ ਅਜ਼ਮਾਓ ਨਹੀਂ ਤਾਂ ਤੁਹਾਡੀ ਨੌਕਰੀ ਖਤਰੇ ਵਿਚ ਪੈ ਸਕਦੀ ਹੈ। ਮਨੋਵਿਸ਼ਲੇਸ਼ਕ ਡਾਕਟਰ ਮੇਧਾ ਗੋਰੇ ਨੇ ਦੱਸਿਆ ਕਿ ਜੇਕਰ ਤੁਸੀਂ ਕਿਸੇ ਨਾਲ ਇਸ ਹੱਦ ਤਕ ਨਾਰਾਜ਼ ਹੋ ਕਿ ਉਸਦੀ ਸ਼ਕਰ ਤਕ ਦੇਖਣਾ ਨਹੀਂ ਚਾਹੁੰਦੇ ਤਾਂ ਉਸਨੂੰ ਇਕ ਥੱਪੜ ਮਾਰ ਦਿਓ ਤੁਹਾਡਾ ਗੁੱਸਾ ਤੁਰੰਤ ਘੱਟ ਹੋ ਜਾਵੇਗਾ। ਦਰਅਸਲ ਜਦੋਂ ਵੀ ਸਾਨੂੰ ਗੁੱਸਾ ਆਉਂਦਾ ਹੈ ਤਾਂ ਸਾਡੇ ਸਰੀਰ ਵਿਚ ਇਕ ਖਾਸ ਤਰ੍ਹਾਂ ਦਾ ਹਾਰਮੋਨ ਨਿਕਲਣ ਲਗਦਾ ਹੈ। ਉਹ ਹਾਰਮੋਨ ਸਾਡੇ ਸਰੀਰ ਵਿਚ ਊਰਜਾ ਦੇ ਪੱਧਰ ਨੂੰ ਵਧਾਉਂਦਾ ਹੈ ਜਿਸ ਨਾਲ ਸਾਡੇ ਸਰੀਰ ਵਿਚ ਗਰਮੀ ਵੱਧਦੀ ਹੈ ਅਤੇ ਸਾਡਾ ਗੁੱਸਾ ਜ਼ਿਆਦਾ ਤੇਜ਼ ਹੁੰਦਾ ਜਾਂਦਾ ਹੈ। ਪਰ ਜਦੋਂ ਅਸੀਂ ਕਿਸੇ ਨੂੰ ਥੱਪੜ ਮਾਰਦੇ ਹਾਂ ਤਾਂ ਸਾਡੇ ਸਰੀਰ ਦੀ ਊਰਜਾ ਦਾ ਇਕ ਵੱਡਾ ਹਿੱਸਾ ਜੋ ਗੁੱਸੇ ਨੂੰ ਵਧਾ ਰਿਹਾ ਸੀ ਥੱਪੜ ਮਾਰਨ ਵਿਚ ਚਲਾ ਜਾਂਦਾ ਹੈ। ਇਸੇ ਕਾਰਨ ਸਾਡਾ ਗੁੱਸਾ ਹੌਲੀ-ਹੌਲੀ ਘੱਟ ਹੋਣ ਲਗਦਾ ਹੈ.

ਰਿਸ਼ਤਿਆਂ ਦੀ ਤਾਜ਼ਗੀ ਬਰਕਰਾਰ ਰੱਖਦੀ ਹੈ ਤਾਰੀਫ

ਨਵੀਂ ਦਿੱਲੀ -ਇਕ-ਦੂਸਰੇ ਦੀਆਂ ਛੋਟੀਆਂ-ਛੋਟੀਆਂ ਗੱਲਾਂ ਦਾ ਖਿਆਲ ਰੱਖਣਾ ਅਤੇ ਹਰ ਚੰਗੀ ਗੱਲ ‘ਤੇ ਤਾਰੀਫ ਕਰਨਾ ਤੁਹਾਡੇ ਰਿਸ਼ਤੇ ਦੀ ਤਾਜ਼ਗੀ ਨੂੰ ਹਮੇਸ਼ਾ ਬਣਾਈ ਰੱਖਦਾ ਹੈ। ਅਜਿਹਾ ਉਹ ਲੋਕ ਕਹਿ ਰਹੇ ਹਨ ਜਿਨ੍ਹਾਂ ਸਾਲਾਂ ਤੋਂ ਇਸ ਅਦਾ ਨੂੰ ਅਪਨਾਇਆ ਹੋਇਆ ਹੈ। ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਆਪਣੇ ਸਾਥੀ ਦੀ ਤਾਰੀਫ ਕਰਨਾ ਰਿਸ਼ਤੇ ਦੀ ਤਾਜ਼ਗੀ ਨੂੰ ਬਰਕਰਾਰ ਰੱਖਦਾ ਹੈ, ਤਾਂ ਤੁਸੀਂ ਵੀ ਇਸ ਨੂੰ ਅਜ਼ਮਾਓ ਅਤੇ ਆਪਣੇ ਰਿਸ਼ਤੇ ਦੀ ਮਿਠਾਸ ਨੂੰ ਹਮੇਸ਼ਾ ਬਣਾਈ ਰੱਖੋ। ਡਾਕਟਰਾਂ ਦਾ ਮੰਨਣਾ ਹੈ ਕਿ ਰਿਸ਼ਤਿਆਂ ਵਿਚ ਤਾਰੀਫ ਕਈ ਝਗੜਿਆਂ ਅਤੇ ਝਗੜਿਆਂ ਦੇ ਕਾਰਨਾਂ ਨੂੰ ਜੜ੍ਹੋਂ ਮਿਟਾ ਦਿੰਦੀ ਹੈ। ਮਸ਼ਹੂਰ ਨਾਟਕ ਕਲਾਕਾਰ, ਨਿਰਦੇਸ਼ਕ ਅਤੇ ਅਭਿਨੇਤਾ ਐੱਮ. ਕੇ. ਰੈਨਾ ਨੇ ਦੱਸਿਆ ਕਿ ਰਿਸ਼ਤੇ ਦੀ ਜ਼ਿੰਦਾਦਿਲੀ ਨੂੰ ਬਣਾਈ ਰੱਖਣਾ ਹੈ ਤਾਂ ਤਾਰੀਫ ਬਹੁਤ ਜ਼ਰੂਰੀ ਹੈ। ਜੇਕਰ ਤੁਸੀਂ ਚੰਗੀ ਗੱਲ ‘ਤੇ ਤਾਰੀਫ ਕਰਨ ਤੋਂ ਰਹਿ ਜਾਂਦੇ ਹੋ ਤਾਂ ਤੁਸੀਂ ਆਪਣੇ ਸਾਥੀ ਦੇ ਚਿਹਰੇ ‘ਤੇ ਇਕ ਮੁਸਕਰਾਹਟ ਵੀ ਨਹੀਂ ਦੇਖ ਸਕਦੇ ਹੋ। ਤੁਹਾਡੀ ਇਕ ਤਾਰੀਫ ਤੁਹਾਡੇ ਸਾਥੀ ‘ਚ ਦੁਬਾਰਾ ਕੰਮ ਕਰਨ ਦੀ ਊਰਜਾ ਅਤੇ ਤਾਜ਼ਗੀ ਭਰ ਦਿੰਦੀ ਹੈ। ਮਨੋਵਿਸ਼ਲੇਸ਼ਕ ਡਾਕਟਰ ਸ਼੍ਰੀਵਾਸਤਵ ਦਾ ਕਹਿਣਾ ਹੈ ਕਿ ਆਪਣੀ ਤਾਰੀਫ ਸੁਣਨਾ ਸਾਰੇ ਪਸੰਦ ਕਰਦੇ ਹਨ ਪਰ ਜਦੋਂ ਰਿਸ਼ਤਿਆਂ ਦੀ ਗੱਲ ਹੋਵੇ ਤਾਂ ਉਸ ਵਿਚ ਤਾਰੀਫ ਕਮਾਲ ਕਰ ਸਕਦੀ ਹੈ।

ਮੈਂ ਕਦੇ ਕਵਿਤਾ ਨਹੀਂ ਲਿਖੀ : ਤੇਂਦੁਲਕਰ

ਸਚਿਨ ਤੇਂਦੁਲਕਰ ਦੇ ਪਿਤਾ ਕਵੀ ਸਨ ਅਤੇ ਵੱਡਾ ਭਰਾ ਵੀ ਕਵੀ ਹੈ ਪਰ ਇਸ ਸਟਾਰ ਬੱਲੇਬਾਜ਼ ਦਾ ਮੰਨਣਾ ਹੈ ਕਿ ਉਹ ਕਲਮ ਦਾ ਨਹੀਂ ਸਗੋਂ ਬੱਲੇ ਦਾ ਸਿਪਾਹੀ ਬਣਨ ਲਈ ਹੀ ਪੈਦਾ ਹੋਇਆ ਹੈ। ਤੇਂਦੁਲਕਰ ਨੇ ਅੱਜ ਇਥੇ ਕਿਹਾ ਕਿ ਮੈਂ ਅਜੇ ਤੱਕ ਇਸ ਵਿਚ ਹੱਥ ਨਹੀਂ ਅਜ਼ਮਾਏ। ਮੇਰਾ ਮੰਨਣਾ ਹੈ ਕਿ ਰੱਬ ਨੇ ਹਰੇਕ ਨੂੰ ਵੱਖ ਤਰ੍ਹਾਂ ਦੀ ਪ੍ਰਤਿਭਾ ਦਿੱਤੀ ਹੁੰਦੀ ਹੈ। ਤੁਹਾਡੇ ਕੋਲ ਜਿਹੜੀ ਪ੍ਰਤਿਭਾ ਹੈ ਤੁਹਾਨੂੰ ਉਸ ਵਿਚ ਖੁਸ਼ ਹੋਣਾ ਚਾਹੀਦੈ। ਮੈਨੂੰ ਨਹੀਂ ਲੱਗਦਾ ਕਿ ਮੈਂ ਇਸ ਤਰ੍ਹਾਂ ਦਾ ਕੁਝ ਰਚ ਸਕਦਾ ਹਾਂ। ਮੈਂ ਸਿਰਫ ਇਸ ਦੀ ਤਾਰੀਫ ਕਰ ਸਕਦਾ ਹਾਂ। ਤੇਂਦੁਲਕਰ ਦੇ ਵੱਡੇ ਭਰਾ ਨਿਤਿਨ ਤੇਂਦੁਲਕਰ ਨੇ ਇਸ ਤੋਂ ਪਹਿਲਾਂ ਕਿਹਾ ਸੀ ਕਿ ਉਨ੍ਹਾਂ ਨੇ ਸਚਿਨ ਲਈ ਆਪਣੇ ਕ੍ਰਿਕਟ ਦਾ ਬਲੀਦਾਨ ਦਿੱਤਾ। ਇਸ ਲਈ ਉਸ ਨੇ ਕਵਿਤਾ ਚੁਣੀ। ਤੇਂਦੁਲਕਰ ਨੇ ਇਸ ਸੰਬੰਧ ‘ਚ ਕਿਹਾ ਕਿ ਜਿਸ ਤਰ੍ਹਾਂ ਕਿ ਮੇਰੇ ਭਰਾ ਨੇ ਕਿਹਾ ਕਿ ਉਸ ਨੇ ਮੇਰੇ ਲਈ ਕ੍ਰਿਕਟ ਛੱਡੀ ਤਾਂ ਮੈਂ ਵੀ ਉਸ ਲਈ ਕੁਝ ਛੱਡ ਰਿਹਾ ਹਾਂ। ਇਸ ਸਟਾਰ ਬੱਲੇਬਾਜ਼ ਨੇ ਇਹ ਜਾਣਕਾਰੀ ਦੇਣ ਲਈ ਪ੍ਰੈੱਸ ਕਾਨਫਰੰਸ ਦਾ ਆਯੋਜਨ ਕੀਤਾ ਸੀ ਕਿ ਉਸ ਦੇ ਸਵਰਗਵਾਸੀ ਪਿਤਾ ਰਮੇਸ਼ ਤੇਂਦੁਲਕਰ ਦੀਆਂ ਕਵਿਤਾਵਾਂ ਦੀ ਸੀ. ਡੀ. ਅਤੇ ਉਸਦੇ ਭਰਾ ਨਿਤਿਨ ਦੀਆਂ ਕਵਿਤਾਵਾਂ ਨੂੰ ਅਗਲੇ ਹਫਤੇ ਰਿਲੀਜ਼ ਕੀਤਾ ਜਾਵੇਗਾ। ਤੇਂਦੁਲਕਰ ਨੂੰ ਜਦ ਪੁੱਛਿਆ ਗਿਆ ਕਿ ਕੀ ਉਹ ਆਤਮਕਥਾ ਲਿਖਣ ਬਾਰੇ ਸੋਚ ਰਿਹਾ ਹੈ ਤਾਂ ਉਨ੍ਹਾਂ ਕਿਹਾ ਕਿ ਮੈਂ ਕਦੇ ਇਸ ਬਾਰੇ ਨਹੀਂ ਸੋਚਿਆ। ਇਸ ਬਾਰੇ ਸੋਚਣ ਲਈ ਕਦੇ ਸਮਾਂ ਹੀ ਨਹੀਂ ਮਿਲਿਆ। ਹੋ ਸਕਦਾ ਹੈ ਕਿ ਕਿਸੇ ਦਿਨ ਮੈਨੂੰ ਅਜਿਹਾ ਲੱਗੇ । ਤੇਂਦੁਲਕਰ ਨੂੰ ਇਸ ਸਾਲ ਭਾਰਤ ਰਤਨ ਦਾ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ। ਇਸ ਬਾਰੇ ਜਦ ਉਸ ਤੋਂ ਪੁੱਛਿਆ ਗਿਆ ਤਾਂ ਉਸਨੇ ਕਿਹਾ ਕਿ ਹਰੇਕ ਭਾਰਤੀ ਦੇਸ਼ ਤੋਂ ਸਨਮਾਨਿਤ ਹੋਣਾ ਚਾਹੁੰਦਾ ਹੈ। ਇਹ ਸਭ ਤੋਂ ਵੱਡਾ ਸੁਪਨਾ ਹੁੰਦਾ ਹੈ ਕਿ ਕਦੋਂ ਤੁਹਾਡੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਜਾਵੇ ਪਰ ਅਸੀਂ ਇਥੇ ਕਿਸੇ 

ਖਾਸ ਕਾਰਨ ਲਈ ਇਕੱਠੇ ਹੋਏ ਹਾਂ, ਇਸ ਲਈ ਮੈਂ ਇਸ ਵਿਸ਼ੇ ‘ਤੇ ਜ਼ਿਆਦਾ ਗੱਲ ਕਰਨਾ ਚਾਹਾਂਗਾ

Janam Din Diyan Lakh Lakh Mobarka Ji