ਲੰਡਨ¸ਇਕ ਨਵੇਂ ਅਧਿਐਨ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਖਿਚਾਅ ਭਰਪੂਰ ਮਾਹੌਲ ਵਿਚ ਕੌਫੀ ਦੀ ਵਰਤੋਂ ਕਰਨ ਨਾਲ ਔਰਤਾਂ ਦੀ ਦਿਮਾਗੀ ਸ਼ਕਤੀ ਤੇਜ਼ ਹੁੰਦੀ ਹੈ ਪਰ ਮਰਦਾਂ ਦੇ ਮਾਮਲੇ ਵਿਚ ਅਜਿਹਾ ਨਹੀਂ ਹੈ। ਬਰਤਾਨੀਆ ਦੇ ਖੋਜਕਰਤਾਵਾਂ ਨੇ ਦੇਖਿਆ ਹੈ ਕਿ ਕੌਫੀ ਦੇ ਇਕ ਕੱਪ ਨੂੰ ਪੀਣ ਨਾਲ ਔਰਤਾਂ ਦਾ ਦਿਮਾਗ ਹੋਰ ਤੇਜ਼ ਕੰਮ ਕਰਨ ਲੱਗਦਾ ਹੈ ਜਦੋਂ ਕਿ ਮਰਦਾਂ ਦੇ ਮਾਮਲੇ ਵਿਚ ਇਸ ਤੋਂ ਉਲਟ ਹੁੰਦਾ ਹੈ। ਜਦੋਂ ਮਰਦ ਕੌਫੀ ਪੀਂਦੇ ਹਨ ਤਾਂ ਉਨ੍ਹਾਂ ਦਾ ਦਿਮਾਗ ਫੈਸਲਾ ਲੈਣ ਦੇ ਮਾਮਲੇ ‘ਚ ਢਿੱਲਾ ਪੈ ਜਾਂਦਾ ਹੈ। ਬਰਤਾਨੀਆ ਦੀ ਇਕ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ ਪਤਾ ਲਾਇਆ ਹੈ ਕਿ ਖਿਚਾਅ ਭਰਪੂਰ ਮਾਹੌਲ ਵਿਚ ਜਦੋਂ ਦਿਮਾਗ ਵਿਚ ਖਿਚਾਅ ਹੁੰਦਾ ਹੈ ਤਾਂ ਕੌਫੀ ਕਿਸ ਹੱਦ ਤਕ ਲਾਭ ਪਹੁੰਚਾਉਂਦੀ ਹੈ। ਇਹ ਸਿੱਟਾ 64 ਮਰਦਾਂ ਅਤੇ ਔਰਤਾਂ ‘ਤੇ ਕੀਤੇ ਗਏ ਅਧਿਐਨ ਤੋਂ ਬਾਅਦ ਨਿਕਲਿਆ ਹੈ।
