ਹੁਣ ਮੋਬਾਈਲ ਚਲੇਗਾ ਬਿਨਾ ਮੋਬਾਈਲ ਟਾਵਰ ਦੇ

ਮੋਬਾਈਲ ਫੋਨ ਦੀ ਦੁਨੀਆ ਹੁਣ ਪੂਰੀ ਤਰ੍ਹਾਂ ਬਦਲਣ ਵਾਲੀ ਹੈ। ਅਸਲ ‘ਚ ਅਮਰੀਕਾ ‘ਚ ਅੰਤਰਰਾਸ਼ਟਰੀ ਵਿਗਿਆਨੀਆਂ ਦੀ ਇਕ ਟੀਮ ਨੇ ਹੁਣ ਇਕ ਅਜਿਹੀ ਤਕਨੀਕ ਡੇਵਲਪ ਕਰ ਲਈ ਹੈ ਜਿਸ ਦੇ ਜ਼ਰੀਏ ਨੇੜੇ-ਤੇੜੇ ਮੋਬਾਈਲ ਟਾਵਰ ਨਾ ਹੋਣ ‘ਤੇ ਵੀ ਤੁਹਾਡਾ ਮੋਬਾਈਲ ਫੋਨ ਵਧੀਆ ਕੰਮ ਕਰੇਗਾ। ਇਸ ਟੀਮ ਦੇ ਹੈਡ ਡਾ. ਪਾਲ ਗਰਡਨਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਟੀਮ ਦੁਆਰਾ ਤਿਆਰ ਕੀਤੀ ਗਈ ਇਹ ਨਵੀਂ ਤਕਨੀਕ ਆਪਦਾਵਾਂ ਦੇ ਵੇਲੇ ਕਾਫੀ ਵਧੀਆ ਸਾਬਿਤ ਹੋ ਸਕਦੀ ਹੈ। ਕਿਉਂਕਿ ਬਾੜ ਅਤੇ ਭੂਕੰਪ ਵਰਗੀਆਂ ਆਪਦਾਵਾਂ ਦੇ ਚਲਦੇ ਆਮ ਕਰਕੇ ਮੋਬਾਈਲ ਟਾਵਰਾਂ ਨੂੰ ਨੁਕਾਸਾਨ ਪਹੁੰਚਦਾ ਹੈ ਅਤੇ ਇਸ ਨਾਲ ਮੋਬਾਈਲ ਸੇਵਾਵਾਂ ਵੀ ਪ੍ਰਭਾਵਿਤ ਹੁੰਦੀਆਂ ਹਨ। ਖਾਸ ਗਲ ਇਹ ਹੈ ਕਿ ਇਸ ਨਵੀਂ ਤਕਨੀਕ ਦੀ ਵਰਤੋਂ ਕਿਸੇ ਵੀ ਸਾਧਾਰਣ ਮੋਬਾਈਲ ਕੀਤੀ ਜਾ ਸਕਦੀ ਹੈ। ਜਿਹੜਾ ਵੀ ਮੋਬਾਈਲ ਹੈਂਡਸੈਟ ਇਸ ਤਕਨੀਕ ਨਾਲ ਲੈਸ ਹੋਣਗੇ, ਉਨ੍ਹਾਂ ‘ਚ ਆਪਸ ‘ਚ ਬਿਨਾਂ ਕਿਸੇ ਮੋਬਾਈਲ ਟਾਵਰ ਦੇ ਵੀ ਕਨੈਕਟੀਵਿਟੀ ਬਣੀ ਰਹੇਗੀ। ਡਾ. ਗਰਡਨਰ ਨੇ ਇਹ ਵੀ ਦੱਸਿਆ ਕਿ ਜੇਕਰ ਕੋਈ ਮੋਬਾਈਲ ਕੰਪਨੀ ਇਸ ਤਕਨੀਕ ਦੀ ਵਰਤੋਂ ਕਰਨਾ ਚਾਹੇ ਤਾਂ ਉਸ ਨੂੰ ਇਹ ਤਕਨੀਕ ਮੁਹਈਆ ਕਰਵਾਈ ਜਾਵੇ। ਉਨ੍ਹਾਂ ਨੂੰ ਉਮੀਦ ਹੈ ਕਿ ਮੋਬਾਈਲ ਕੰਪਨੀਆਂ ਖੁਦ ਇਸ ਤਕਨੀਕ ਨੂੰ ਹਾਸਿਲ ਕਰਨ ਦੇ ਲਈ ਉਨ੍ਹਾਂ ਨਾਲ ਸੰਪਰਕ ਕਰਨਗੀਆਂ।

1 ਲੀਟਰ’ਚ 40 ਕਿਲੋਮੀਟਰ ਚਲੇਗੀ ਨੈਨੋ

ਆਮ ਲੋਕਾਂ ਦੇ ਲਈ ਦੁਨੀਆਂ ਦੀ ਸਭ ਤੋਂ ਸਸਤੀ ਕਾਰ ਲਾਂਚ ਕਰਕੇ ਟਾਟਾ ਮੋਟਰਸ ਪਹਿਲਾਂ ਹੀ ਦੁਨੀਆਂ ਭਰ ‘ਚ ਤਾਰੀਫ ਬਟੋਰ ਚੁੱਕੀ ਹੈ। ਹੁਣ ਖਬਰ ਇਹ ਹੈ ਕਿ ਇਹ ਕੰਪਨੀ ਆਟੋ ਮੋਬਾਈਲ ਬਾਜ਼ਾਰ ‘ਚ ਇਕ ਨਵਾਂ ਧਮਾਕਾ ਕਰਣ ਦੀ ਤਿਆਰੀ ‘ਚ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਟਾਟਾ ਮੋਟਰਸ ਨੈਨੋ ਦਾ ਇਕ ਅਜਿਹਾ ਡੀਜ਼ਲ ਵੈਰਿਅੰਟ ਲਾਂਚ ਕਰਣ ਦੀ ਤਿਆਰੀ ‘ਚ ਹੈ, ਜਿਹੜੀ ਇਕ ਲੀਟਰ ‘ਚ 40 ਕਿਲੋਮੀਟਰ ਦੀ ਦੂਰੀ ਤੈਅ ਕਰ ਸਕੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਆਪਣੀ ਇਸ ਖਾਸ ਨੈਨੋ ‘ਚ ਕੰਪਨੀ ‘ਟਾਟਾ ਐੱਸ. ਆਈ. ਡੀ. ਆਈ.’ ਇੰਜਣ ਦਾ ਇਸਤੇਮਾਰ ਕਰੇਗੀ। ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਇਹ 700 ਸੀ. ਸੀ. ਦਾ 2 ਸਿਲੰਡਰ ਇੰਜਣ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਇੰਜਣ ਬੀ. ਐੱਸ.-3 ਮਾਨਕ ਨੂੰ ਵੀ ਪੂਰਾ ਕਰਦਾ ਹੈ। ਇਹ ਕੰਪਨੀ ਹੁਣ ਮਾਈਲੇਜ ਦੇ ਮਾਮਲੇ ‘ਚ ਬਾਈਕ ਅਤੇ ਸਕੂਟਰ ਨੂੰ ਵੀ ਟੱਕਰ ਦੇਣ ਦਾ ਮਨ ਬਣਾ ਰਹੀ ਹੈ। ਹਾਲਾਂਕਿ ਇਸ ਸਿਲਸਿਲੇ ‘ਚ ਅਜੇ ਕੰਪਨੀ ਵਲੋਂ ਕੋਈ ਐਲਾਨ ਨਹੀਂ ਕੀਤਾ ਗਿਆ ਹੈ। ਜੇਕਰ ਸੱਚਮੁੱਚ ਕੰਪਨੀ ਇਸ ‘ਚ ਸਫਲਤਾ ਪਾ ਲੈਂਦੀ ਹੈ ਤਾਂ ਇਸ ਨੂੰ ਟਾਟਾ ਮੋਟਰਸ ਦੇ ਨਾਲ ਭਾਰਤੀ ਆਟੋ ਇੰਡਸਟਰੀ ਦੇ ਲਈ ਵੀ ਵੱਡੀ ਕਾਮਯਾਬੀ ਮੰਨਿਆ ਜਾਵੇਗਾ। ਕਿਉਂਕਿ ਮੌਜੂਦਾ ਸਮੇਂ ‘ਚ ਡੀਜ਼ਲ ਦੀ ਕੀਮਤ ਕਰੀਬ 40 ਰੁਪਏ ਹੈ। ਜੇਕਰ ਇਹ ਕਾਰ 40 ਕਿਲੋਮੀਟਰ ਦੀ ਮਾਈਲੇਜ਼ ਦਿੰਦੀ ਹੈ, ਤਾਂ ਪ੍ਰਤੀ ਕਿਲੋਮੀਟਰ ਤੇਲ ਦਾ ਖਰਚ ਸਿਰਫ ਇਕ ਰੁਪਇਆ ਆਵੇਗਾ।